Perserê dewa ma de ju ziyare esta. Ha serniya yew koyê ser dera, ha ca en berz dera. Namey ay koyê, koy tujıkio. Namey aya ziyare ziyara tujıkiya.
Şarê ma her roca pancşeme fecır ra dıma kelê xo, şeker xo u taynê çiy-miy gırewtêne u kewtêne rayer şiyêne uca, rayer çetıni bi honde ke çetıni bi, o merdumo ke nêweşi bi weniştêne here şiyêne, zaf betaliyayêne/qefeliyayêne hama nêvındertêne, waxto ke resay uca uca de çaput gırewtêne bestêne dare ra u zerrey eninan ra çı bıamayêne xo rê duha kerdêne. Dıma ra kelê xo bırnayêne pewtêne kami ke uca de bı piya werdêne. Çiy-miyê xo de berdi bi gırewtêne peyser ardêne dayêne o ke nêşiy bi ziyare ser.
Ayinan ra vatêne :
-Enê teberıko, ma ziyara tujıki ser ra ardo.
Ziyara Tujıki Itiqadê ma de muhima
Vanê uca de yew kêneke esta, bıray kêneke pir ezizo, ziyara pir ezizi serê koy pir ezizi dera ziyare zi ha sındorey tırmal u nêrıb dera.
Şarê ma vano, roca pancşeme şewe waye bıray xo rê cıla axreti erşawena.
Ma de vanê; teyra phepug u şivunge rıyê xo tadano uca Homay ra duha wazenê, duha eninan qebul bena.
Hem zi vanê eke uca ra hewro sia bıveciyo; yew varan yeno, lasêr xo dıma ra ano, her cay têmiyan keno
Not : Dewa ma sındorey Xarpêt u Diyarbekır dera. Namey dewa ma Mehyun'o, şarê ma vano itha Mıntıqay Mirdêsiya. Nıka gırêdayey Miyaruniya.
