Yew roc şarê şarıstani yeno pêser, qırenê vengê xo kenê berz, vanê;
-Dıwelê ma de ne edalet ne zi isaneteye menda, isanê ma geste ra mereno, vêşaneye ra şono miyanê gemari ra nan veceno beno kêye de weno,
Reyna vanê;
“Ma enê padişay nêwazenime , ma gani enê padişay bıfinime war”
Padişa pêhesiyeno, wenişeno astorê xo şono eninan het, vano;
“Zaf vengê xo berz mekerê, eke şıma bıwazên lerz mı mı finenê war”
Sarê dıweli ewniyenê (nia danê ) yewbinan ra cıra pey ewniyenê padişay ra.
Padişa şarê dıweli pêser keno, beno verê ju dole u vano;
-Ena dole şıma ra asena?
Şarê dıweli;
-Eya ma ra asena.
Padişa reyna vano;
-Ez ju cıle erzenan zerrey ena dole ser, nêmey şewe şıma bêrê, şıt pırr kerê, key ke şıma dekerd pır kerd. Ez padişayeye ca verdanan. Hama waxtê ke şıma şıt dekerd ena dole, gani kes kesi nêvêno.”
Şarê dıweli yew be yew şono kêye. Nêmey şewe yew be yew sıtıl kenê xo dest u şonê dekenê zerrey dole.
Beno şewdır padişa u sarê dıweli yenê verê dole. Fekê şarê dıweli şı bı pey goşan, zaf bıye bi şa. Vatêne ma enê zulımkari ra qediyenê, ma enê finenime war.
Padişa dole ser ra cıle wedarneno ke çı bıvêno. Eke zerrey dole ha pıra hama nême awka nême zi şıto.
Padişa vano:
-Şıma çınayê, ez zi uyo.
-Şıma dekbazi, şıma kami veçinenê bıweçinê, peyniye tımi sey eniya.
-Coke ra ez vındenan cayê xo de
-Şıma zi vındenê zerrey enê sistemi de
