Gula Bağo

Gulê Gulê
Gula bağonê Dilano
Westa berda Temırtaxo (cıko)
Şiya serva esqê ho

Meso, Gulê Gulê
Rındeka bağonê Dilano
Bowe bıde na ver vırado
Ça bena boka Temırtaxo

Wuy, lemınê Gulê Gulê
Dılgesa bağonê Dilano
Dewiz amê verê çêver, berbenê
Çino meyitê to, nızonenê seb’kerê

Erê, Gulê Gulê
Zerrewesa Dilano
Rrındeka deshot brawo
Vınde bowe bıde, na ra o welaxo

Ax, Gulê Gulê
Gulgesa bağonê Dilano
Mowe taşele biya berbena
Vana, şêrê Gula mı biyarê
Lê mıde wedarê

Têlmase, Gulam’ Gulam’
Ez torê bımıri
Temırtaxo, Temırtaxo!
Kotbiye dêka bilane, domon cırê warrodaro

Usar amo, gulê bağo biye deyra
Bowe danê her ca
Vayê perroz ame, verra vaydano 
Bowa Gule berde resnê, taa pê Qereçoro
Gule indi biye, Gulgesa pêro Kırmanco…

Hesen, Tornê Wuşenê Khal Weli