Dayê dayê
Rındekam dayê
Sewa hêsıram dayê
Derdê granam dayê
Ax… To çı diya çı nêdiya, dayê!
*
Dayê, a zare-vesayena to
Pak o raştiyêna to
Hala… Haskerdena to
Nê to?
Coka owa rişütayene piyê mı este fekê ho!
*
Dayê, to mıde ama serê raye
Peyser şiya her raye
Mı to dıma niyada hata peniya raye
Wuy dayê…To cıgera mı têy berde, a raye
Wertagê derdê kulê mı, dayê…
*
Dayê, nawo ez amone lê to
Nê tı unciya ama cıgerêm?
Heya, dayê. Ez amone.
O rındekê tuyo qêz
Wuyy…Cıgerêm cıgerêm!
*
Dayê, vrerê ra to çiye vatenê
Zonena sawatenê?
Ma ez çı’zon cıgerêm
Vınde, ez vaji dayê:
‘Karê dina derdê dina, nêgedinê buko!
Heya, cıgerêm.
Bêvengo Bêvaz, 16.10.2022
Dest u paye tu wes be bıra. Zerya bela tu derd u keder mevino sola. Çhı rind ke tunia rındek zonë mara nusno. Hama gere na şiirê tu gramerê Kırmancki ra rast vo. Çıke sılxetiye ra tu tae çekü têlewe de xelet nusne...